Вандроўкі ў мінулае: менскія некропалі
Павел Дзюсекаў
Гісторык, экскурсавод. Стваральнік праекту "Вандроўкі ў мінулае". Дасьледчык гісторыі Менску і Кальварыйскага некропалю.
Гаворка ў гэтай лекцыі пойдзе пра старажытныя менскія некропалі — дзе знаходзіліся, якой канфесіі належылі, што зь імі сталася на сёньняшні дзень.
Адзін з такіх некропаляў — менская Кальварыя. Самыя старыя з захаваўшыхся могілак Менску хаваюць у сабе нямала таямніц: тут пахавана безьліч знакамітых людзей з цікавымі і гераічнымі лёсамі — Ян-Баляслаў Луцкевіч, Янка Лучына, Вацлаў Іваноўскі, Аляксандр Сіпайла і інш., тут знаходзіцца касьцёл Узвышэньня Сьвятога крыжа і шмат таямнічых склепаў.