Сяргей Самахвал
выкладчык кафедры славянскіх літаратур філалагічнага факультэта БДУ, супрацоўнік Амбасады Рэспублікі Балгарыі ў Рэспубліцы Беларусь
Я мове балгарскай складаю санет,
Дзе нашае «так» такое, як «не»,
Дзе Ваня і Пеця зусім не мужчыны,
“направо” ісці мы прама павінны.
Дзе бела-чырвоным вітаюць вясну,
І вымавіць “ъ” я ледзьве магу,
А вэлюм святочны ўскладаюць на булку,
Кароткае “фас” гавораць акурку!
Такіх цікавостак тут торба і мех,
Забавак нязвыклых, гульняў, пацех… –
Вясёлай балканская будзе дарога
(Жыць без Балгарыі не магла Пугачова!)…
Скъпи приятелю, чакам те много!!!!!
Дарагія сябры, Вы зможаце:
- Даведацца, чаму герань – кветка сімвал, а перапёлка – адно з самых складаных слоў; што сапраўды азначаюць булка, кака, пуканки, тухла, живот, пукам
- Разабрацца, чаму балгарская мова лёгка чытаецца, але амаль не ўспрымаецца на слых;
- Зразумець, куды трэба ісці, калі будуць пасылаць “направа”;
- Пераканацца, што традыцыйнымі колерамі балгар таксама з’яўляюцца белы і чырвоны;
- Пазнаёміцца з “Піжам і Пендай” і атрымаць на памяць цудоўную “мартанічку” – сімвал вясны, здароўя і доўгага жыцця;
- Паслухаць, як Кіркораў размаўляе на балгарскай мове;
- Паразмаўляць на самай старажытнай славянскай мове і зразумець, што яднае “отчаяние” з гарбатай
і сапраўды
ўпэўніцца, кажучы словамі Ф. Багушэвіча, што “якаясь маленькая Булгарыя – са жменя таго народу” на дзіва багатая і разнастайнай сваімі традыцыямі і звычаямі, смачнымі стравамі (і іх можна будзе пакаштаваць!!!) , гумар і вясёлы настрой!