Любоў Падпорынава
лінгвіст, выкладчык Кафедры тэарэтычнага і славянскага мовазнаўства Філалагічнага факультэта БДУ і Польскага Інстытуту ў Мінску, перакладчык
Добрый день!
Шаноўныя сябры, сардэчна запрашаю вас на прэзентацыю русінскай мовы!
На гэтай прэзентацыі ў параўнанні з іншымі будзе значна больш сацыялінгвістыкі, таму што без яе нельга адказаць на наступныя пытанні:
- што агульнага маюць асобы на здымках, размешчаных ніжэй (я думаю, мінімум адну з іх вы пазанеце ўжо зараз),
- якая русінская музыка зараз самая модная,
- як вялікая трагедыя становіцца больш моцным кансалідуючым чыннікам, чым мова,
- што за звер такі – лінгвонім – і як ён паўстае (ці можна ўтварыць яго ад выклічніка ці прыслоўя), як яго гадаваць і не даваць вадзіцца з іншымі,
- чаму радзей за ўсё падчас прэзентацыі вы пачуеце тэрмін русінская мова, на якія іншыя тэрміны я буду пераходзіць – і чаму.
А каб паспрабаваць свае сілы ў яшчэ адной славянскай мове, мы паглядзім па-русінску навюткі мультфільм.
Останте здравы! Да пабачэння!